Озмоишгоҳи мутобиқшавии системаҳои зинда

Озмоишгоҳи мазкур таҳти номгӯи «Озмоишгоҳи бехатарии биологӣ» соли 2011 бо таъсисёбии Маркази инноватсионии биология ва тибби Академияи илмҳои Ҷумҳурии Тоҷикистон фаъолияти худро оғоз намудааст.

Бинобар сабабе, ки соли 2020 Академияи илмҳои Ҷумҳурии Тоҷикистон тибқи Фармони Президенти Ҷумҳурии Тоҷикистон № 15 аз 20.03.2020 с. ба Академияи Миллии илмҳои Тоҷикистон номгузорӣ карда шуд ва дар сохтори Академия як қатор дигаргуниҳо ворид карда шуданд, номгӯи озмошгоҳи мазкур ба «Озмоишгоҳи мутобиқшавии системаҳои зинда» иваз карда шуд.

Вазифаҳои асосии таҳқиқоти озмоишгоҳ чунинанд:

омӯзиши мутобиқшавии растаниҳои кишоварзӣ ва шифобахш дар шароити таъсири гуногуни муҳити зист ва гуногунии биологӣ бо назардошти дигаргуншавии иқлим;

баҳодиҳии мутобиқшавии зироатҳои ғалладонагиҳо ва лубиёданагиҳо оид ба маҳсулнокӣ ва устувориашон дар кишти омехта;

ошкор намудани устувории зироатҳои кишоварзӣ дар марҳилаи ибтидоии инкишофи касалиҳои замбуруғӣ;

омӯзиши хусусиятҳои морфо-физиологии растаниҳои интродуксияшудаи боғу сайргаштҳои ҷумҳурӣ;

дигар самтҳои рӯзмарраи илмие, ки ба фаъолияти озмоишгоҳ марбут аст.

Аз соли 2013 озмоишгоҳи мазкурро номзади илмҳои кишоварзӣ, Эшонова Зебунисо роҳбарӣ намуда истодааст. Таҳти роҳбариашон 8 корманди илмӣ фаъолият менамоянд, аз он ҷумла: 1 – ходими пешбари илмӣ; 2 – ходими калони илмӣ, 2 – ходими илмӣ, 2 – ходими хурди илмӣ ва 1лаборанти калон;

Тӯли фаъолияти илмии озмоишгоҳ таҳти роҳбарии Эшонова Зебуниссо корҳои зиёди илмӣ оид ба мутобиқшавии навъу намунаҳои зироатҳои ғалладонагиҳо ба самара расонида шудаанд ва ба ходимони озмоишгоҳ муяссар гардид, ки 1 навъи нави гандуми муллоимдонаи «Академия – 2016» – ро эҷод намуда, онро соли 2020 ноҳиябандӣ намоянд.